Майстар-клас “Сняжынка”

Практыкум

Неабходныя інструменты і матэрыялы:
* дошчачка лісцевых парод (ліпа, асіна, бяроза) таўшчынёй 5—8 мм па памеры сняжынкі;
* разметачны інструмент — лінейка, цыркуль, аловак;
* ручны інструмент — лобзік, абцугі, нажніцы.
* наждачная папера на тканіннай аснове № 80, 100, 120;
* абразіўная губка № 200—220;
* нітка або стужка дэкаратыўная;
* iголкі з кольцамі.

Сняжынка выканана ў тэхніцы плоскапрапільнай разьбы.

  1. Пры дапамозе разметачнага інструменту і нажніц выконваем шаблон сняжынкі на паверхні дошчачкі (малодшым дзецям можна даць шаблон для абвядзення контуру).
  2. Выпілоўваем сняжынку на выпіловачным прыстасаванні “Ластаўчын хвост” ці ручным лобзікам у два заходы (спачатку контур, а затым прапілоўванне дробных дэталей).
  3. Надаём форму сняжынцы наждачнай паперай № 80 ад цэнтра да бакоў.
  4. Прапрацоўваем унутраныя элементы і вугалкі наждачнай паперай № 100.
  5. Абразіўнай губкай надаём гладкасць.
  6. Устаўляем іголку з вушкам у сняжынку пры дапамозе абцугоў.
  7. Прывязваем шаўковую нітку або стужку.
  8. Па жаданні дэкарыруем сняжынку.

Форму сняжынак можна рабіць рознай у залежнасці ад фантазіі.

Аляксандр ПЦІЦКІ,
педагог дадатковай адукацыі Шумілінскага РЦДіМ.
Фота аўтара.